O alcalde, Alfredo RodrÃguez, incidiu nos 9.748.866 euros que o goberno local destinará a investimentos en obras no municÃpio, fundamentalmente en instalación de redes de saneamento e en acondicionamento de viais. "Ã? un grande esforzo de redución da porcentaxe de gastos e incremento do de investimentos que se traducirá en obras palpábeis", sinalou.
O representante socialista asegurou que os presupostos da Xunta non contemplan nengun investimento para Nigrán, segundo informacións solicitadas ao grupo parlamentário do PSOE.
Pola sua parte, o portavoz do grupo socialista, Efrén Juanes, acusou á equipa de goberno de "crear falsas expectativas, xa que non dispón de compromiso formal algun respecto aos investimentos da Xunta e a Diputación que preveen as contas".
Juanes atribuiu o incremento dos ingresos á "maior presión fiscal, á venda de fincas propriedade do concello e ao crédito de dous millóns de euros que solicitará a equipa de goberno. Respecto aos gastos, o portavoz socialista apontou un incremento importante ao "subir as gratificacións, os prémios á produtividade e o incremento de plazas na plantilla". Os investimentos mostran, en palabras de Juans, asuntos que xa figuraban nos presupostos do ano pasado como a estrada a Telleira, a de Rans e a de Mallón a AreÃña.
Asimismo, o representante socialista asegurou que os presupostos da Xunta non contemplan nengun investimento para Nigrán, segundo informacións solicitadas ao grupo parlamentário do PSOE.
O portavoz do BNG, David Giráldez, cadrou en todos os pontos con Juanes, ainda que destacou que o investimento que non procede de outras administracións atinxe tan só 372.285 euros, "unha miséria".
O nacionalista criticou o feito de que se acuda a operacións de crédito para asfaltar ruas ou que "se venda patrimonio municipal para investir en propriedades que non lle pertencen o concello".
Os presupostos permanecerán expostos ao público durante un mes nas dependéncias municipais para oferecer a posibilidade aos viciños de apresentar alegacións.
Desestimado o recurso de FCC contra a contratación de Cespa
Ademais de aprobar as contas municipais para 2005, o grupo de goberno aprobou desestimar o recurso de reposición apresentado pola empresa FCC, actual concesionaria do servizo de recollido de lixos, contra a contratación de Cespa o próximo ano e durante dieciséis mais. O grupo de goberno baseou a sua postura nun informe técnico externo que proferia rexeitar a alegación..
Juans proferiu que o secretário municipal realizase un novo informe e Giráldez advertiu ao goberno que se FCC apresenta un contencioso e xera gastos ás arcas do concello será baixo a sua responsabilidade.
Rexeitada rua Fernando Alonso e o vial en Chandebrito
.A equipa de goberno fixo uso da sua maioria para rexeitar dous propostas do grupo socialista. A primeira solicitaba a denominación dunha rua de A Ramallosa como Fernando Alonso, un ex presidente da asociación de viciños xa falecido. O goberno argumentó que se está a elaborar unha normativa para a nomenclatura das ruas, dado que o Plan Xeral e as novas urbanizazóns dotarán o municÃpio de novos viais. O estudio do vial de Chandebritño a Valladares, en Vigo, que pedian os socialistas tamén resultou denegado porque existe un proxecto "mais amplio" para a parróquia.