Detención de dous mozos por presunto roubo con forza nun local de Praia América
Durante a madrugada deste luns efectivos da Policía Local de Nigrán, en colaboración coa Garda Civil do posto de Baiona, procedeu á detención de dous mozos que responden ás iniciais R.B.O.P e M.I.M , ambos os dous residentes en Vigo os que se introduciron nun local de Praia América a través dunha fiestra da devandita instalación.
Segundo o informe oficial, no momento da actuación policial, un deles se atopaba xa na rúa mentres que outro foi sorprendido no interior do local. Durante a acción, os presuntos delincuentes terían levado o caixón da caixa rexistradora, onde só había varias moedas.
Estes terían desprazado ao lugar nun vehículo furgoneta onde se localizou diversos materias e ferramentas, que segundo a policía son de uso habitual neste tipo de delitos.
A policía abriu dilixencias para a posta a disposición xudicial dos individuos e o vehículo foi retirado ao depósito municipal e posto tamén a disposición da xustiza.
