Esperando o bus sentados no chan.
O portavoz da formación Unión Centrista de Nigrán-Centro Democrático Liberal (UCN-CDL), Antonio Fernández, denuncia o "abandono do mobiliario urbano", en pleno centro de Nigrán. Nomeadamente, o edil sinala o caso da marquesiña do transporte público, na Avenida Val Miñor, a que atópase rota "desde fai semanas, sen o correspondente asento, o que obriga aos usuarios a ter que sentarse no chan durante o tempo de espera, así como as beirarrúas coas baldosas rotas".
O concelleiro sinala que a imaxe contrasta coa recente decisión do goberno local, ao colocar na citada rúa, vinte xardineiras en pedra e plantas ornamentais, por un importe superior aos 10 mil euros. O edil entende que antes debeuse resolver o deterioro e carencias na rúa, "non só en beirarrúas, senón tamén na rede de abastecemento e saneamento obsoleta, que require o seu renovación, así como a instalación dunha rede que separa as augas pluviais; en definitiva humanizar a rúa, e non ao revés", protesta Fernández.
Fernández Comesaña, denuncia o estado de "abandono" da maioría do mobiliario urbano, con "bancos rotos, tanto á beira do propio concello, como en plena zona de praias", o que asegura empobrece a imaxe do municipio.
