Catro menores foron imputados pola Garda Civil por un suposto caso de acoso escolar a unha compañeira no colexio público de Panxón. Os denunciados, de entre 16 e 17 anos (tres mulleres e un varón), serán investigados pola Fiscalía de Menores, logo que a familia da vítima establecera a denuncia no destacamento de Baiona.
Segundo puido establecerse, a rapaza viña sendo vítima dende hai meses de insultos , situación que fora posta en coñecemento do centro de ensino. A pesar de que a institución docente puxera en marcha unha serie de medidas ca fin de solucionar o conflito, un rebrote do problema fixo que se dera conta ás forzas de seguridade.