Os usuarios do Centro Juan María poderán realizar prácticas de xardinería nos espazos públicos de Nigrán. Un convenio asinado este xoves por autoridades municipais e directivos do centro, permitirá que o podan facer por un período mínimo de dous anos, segundo informou o alcalde Alberto Valverde.
A sinatura ten por obxectivo colaborar co Centro Juan María no seu obxectivo fundacional de traballar na inserción laboral dos seus usuarios, sinalou o rexedor. No acto estiveron presentes, ademais do alcalde e concelleiros de goberno, o presidente do Centro, José Santoro.
Na reunión mantida, Valverde valorou o importante labor social que desde fai anos realiza esta institución, e reiterou o apoio do goberno municipal. Así mesmo, abordáronse unha serie de proxectos para levar a cabo a medio prazo, dirixidos a mellorar a inserción social e laboral dos usuarios do Centro Juan María, uns proxectos que Valverde espera poidan finalmente ver a luz.