200m2 da cuberta da piscina da mancomunada d'A Ramallosa, saen voando deixando ao descuberto a totalidade do vaso da piscina.
Os feitos producíronse neste última noite preto das 6 da mañá, polo que afortunadamente non había usuarios da piscina e non houbo que lamentar danos persoais.
É a segunda vez que os refachos de vento levantan a cuberta da piscina d'A Ramallosa. O pasado 23 de setembro os dous únicos operarios do GRUMIR Val Miñor acudían á chamada de emerxencia para asegurar o tellado e impedir que o vento producise un efecto "vela" que levantase o resto da cuberta.
Meteogalicia prevee unha mellora do tempo para a xornada de mañán domingo con grandes claros nas horas centrais do día e con chuvias que chegarán á noite. Temperaturas mínimas en moderado descenso e máximas en lixeiro descenso. Vento frouxo do norte pola mañá, frouxo do noroeste pola tarde e frouxo e variable pola noite.