Recollida de alimentos en Nigrán con fins solidarios. 
O Concello de Nigrán anuncia a posta en marcha dunha campaña de recollida de alimentos non perecedoiros e perecedoiros envasados de longa duración-. A mesma terá lugar todos os martes no despacho anexo á oficina de Servizos Sociais do concello, de 10.00 a 12.00 horas. O departamento de Servizos Sociais repartirá entre aquelas persoas máis necesitadas os alimentos recolleitos.
Pais e nais solidarios
Paralelamente, o ANPA do CEIP Humberto Juanes organizou un punto de recollida de alimentos na festa de fin de curso, celebrada o pasado sábado 9 de xuño no polideportivo municipal de Panxón. Esta iniciativa permitiu recoller máis de 100 litros de leite e 100 paquetes de galletas, os cales cederon ao departamento de Servizos Sociais do Concello de Nigrán para a súa distribución.
