Circuíto e actividades da Cabalgata de Reis 2012 en Nigrán.
As nenas e nenos de Nigrán recibirán a visita dos reis de oriente este xoves 5 de xaneiro. A tarde véspera de reis dará comezo ás 15.30 horas. Os paxes reais percorrerán en tres grupos as parroquias do municipio nunha caravana de coches clásicos, para recoller as cartas das caixas de correos reais. A percorrida finalizará no Campo das Redes, en Panxón, sobre ás 17.00 horas, cando se espera a chegada dos Reis Meigos
Aterraxe real
O alcalde de Nigrán, Alberto Valverde encabezará a recepción ás súas Maxestades, que este ano chegarán a Nigrán en tres ultralixeiros que aterrarán no Campo das Redes, se as condicións climatolóxicas permíteno. O rexedor municipal animou a todos os veciños e veciñas do municipio a desprazarse á contorna de Panxón para gozar do espectáculo.
Finalizada a recepción comezará a cabalgata propiamente dita, que percorrerá algunhas rúas do centro da parroquia pesqueira de Panxón, con Melchor, Gaspar e Baltasar a bordo dunha carroza. Do Campo das Redes tomarán cara á rúa Cidade de Vigo, para alcanzar a de Jesús Espiñenta ata a Rúa do Mariñeiro, onde torcerán cara ao Paseo Marítimo, o cal percorrerán ata o Pavillón Municipal de Deportes de Panxón, onde chegarán cara ás 18.00 horas.
O pavillón esperará aos Reis Meigos e ao seu séquito engalanado para a ocasión. Globos, zancudos, pamperas e a actuación da rondalla de Beade, integrada por máis de 80 persoas, amenizarán unha tarde na que todos os nenos e nenas do municipio achegaranse ás súas Maxestades para pedir os seus agasallos de 2012.
O rexedor municipal agradeceu de forma moi especial ao Aeroclub Meteoro e ao Club de Clásicos e Populares do Val Miñor, "sen os cales sería imposible levar a cabo este evento", así como á Deputación de Pontevedra. Tamén destacou o esforzo realizado pola policía local de Nigrán, protección civil, a concellaría de Turismo, Cultura e Deportes e á organización da cabalgata, "que nos farán pasar unha tarde inesquecible".
Corte de rúas
A concellaría de Turismo, Cultura e Deportes advirte que, con motivo da organización do evento, as rúas Arquitecto Palacios, Jesús Espiñenta, Cidade de Vigo, Rúa Gondomar, Rúa Mariñeiro e o Paseo Marítimo, cortaranse a partir das 15.00 horas.
