Novo parque infantil en Patos e remodelación dos da Ramallosa e Praia América.
O Concello de Nigrán instala un novo parque infantil en patos e renova os da Ramallosa e Praia América, cun investimento de 13.750 euros, informou o concelleiro de Parques e Xardíns Cándido Costas Fernández. O parque de Patos era unha demanda de "todo un barrio que carecía dunha instalación dedicada aos máis pequenos", sinalou Costas.
O concelleiro tamén subliñou a instalación dunha nova tirolina, "unha das maiores demandas dos cativos de Nigrán no parque existente no barrio de Lourido en Praia América e novas pezas que completan o parque infantil de A Ramallosa converténdoo nun dos parques mais e mellor dotados do Val Miñor ao que se teñen incorporado elementos como a tirolina ou a pista multideportiva".
