Deteñen a un integrante do comando Vizcaya en Panxón
Axentes da Garda Civil detiveron a unha persoa en Panxón (Nigrán) pola súa suposta vinculación co 'comando Vizcaya' de ETA, responsable da maioría dos atentados cometidos pola banda terrorista desde o final da tregua, segundo informaron a Europa Press fontes da investigación.
A detención produciuse esta madrugada por axentes da Garda Civil desprazados desde Madrid ao municipio costeiro de Nigrán. Segundo un comunicado do colectivo de apoio a presos da banda armada, Askatasuna, o detido no municipio pontevedrés é Aitor Kotano Sinde, que é veciño da localidade vizcaína de Algorta.
Ademais, entre os detidos na operación desta madrugada desenvolvida en varias localidades vizcaínas, entre elas, Getxo, e Elorrio, e no litoral da provincia de Pontevedra, figura o presunto membro 'liberado de ETA, Arkaitz Goikoetxea, quen estaría á fronte desta estrutura terrorista.
