O PSOE de Nigrán móstrase contrario a este proxecto xa que segundo dín, no propio proxecto se asegura que o impacto desta instalación afectará severamente aos areais como o da Madorra e Area Fofa.
Segundo o concellal de medio ambiente Juan Hermida:
O proxecto de porto deportivo en Panxón debe ser unha proposta que, de ser necesaria, deberá encaixar no futuro PXOM. Este tipo de infraestructuras deben desenvolverse garantindo o encaixe coas infraestructura externas existentes e deberá contar con todos os informes necesarios que garantan o nulo impacto ambiental. Do proxecto que se está a falar non existe estudio de impacto ambiental se non un breve informe no que se afirma un impacto severo nos areais. O porto deportivo debe ser discutido no contexto das necesidades de Panxón en particular e de Nigrán en xeral onde haberá que priorizar a resolución das moitas carencias existentes.
As actuacións na costa comezan a pasar factura dende fai varios anos en moitos puntos do litoral galego. Os temporais de fai uns anos arrasaron co paseo marítimo de Panxón coma se o mar reclamase un espacio que lle pertencía.
As desaparecidas dunas tamén parecen querer recuperar o seu espazo, e a estrada que bordea a costa por Panxón da mostra delo á altura de Gaifar, onde por momentos queda tapada totalmente pola area.
O PSOE de Nigrán aposta por unha ordenación do porto de Panxón que prime por riba de todo o interese dos mariñeiros, dada a precaria situación en que se atopan as súas instalacións de traballo.
O Partido popular aposta polo modelo deporto deportivo pesqueiro. Unha espazo compartido para a actividade de ocio e a profesional dos mariñeiros. Así mesmo solicita que se remita o proxecto redactado a Portos de Galicia para o seu dictamen.
UCN e BNG non fixero públicas as súas posturas referente a este punto.
O pleno celebrarase no salón de plenos do Concello de Nigrán mañá martes 26 ás 20 da tarde o primeiro pleno do novo exercicio. Os representantes das asociacións veciñais terán un turno de intervención ao final do pleno.
ORDE DO DÍA
- Acta anterior
- Modificación (Nº 17) das normas subsidiarias de planeamento, referida á ordenación de rasantes e curbertas. Trámite de aprobación inicial.
- Actuacións relativas ao futuro Plan Xeral de Ordenación Municipal:
- Impulso da redacción do PXOM e da creación dun consello sectorial.
- Solicitude de subvención para a redacción do PXOM
- Moción do grupo popular sobre o calendario das actuacións encamiñadas á redación do PXOM
- Consorcio Galego de Servizos de Igualdade e Benestas: Nomeamento de representante municipal na asamblea xeral.
- Convenio Marco de colaboración e cooperación coa empresa de Transformación Agraria (TRAGSA)
- Porto Deportivo Pesqueiro de Panxón: Moción do grupo popular demandando actuacións de portos de Galicia.
- Área metropolitana de Vigo: Moción do grupo popular de apoio aó contidos do anteproxecto de lei e enmenda do grupo BNG.
- RESOLUCIÓNS DA ALCALDÍA, ESPECIAL REFERENCIA Á CONTENCIOSO-ADMINISTRATIVO Nº 4474/2005
- Rogos e preguntas.