A falta de persoal do Grumir deixa sen servizo de urxencias á comarca
Un único efectivo vese imposibilitado para apagar lumes ou limpar unha estrada tras un sinistro, xa que non pode fornecer a auga desde o camión e manexar a manguera á vez. A situación complícase cando se trata dunha excarcelación dunha persoa dun vehículo, posto que a maquinaria correspondente require polo menos catro brazos. Se se trata dun incendio no interior dun inmueble, resulta perigoso entrar sen información sobre a cantidade de auga que queda no depósito. No caso dun motorista ferido, tamén se necesitan dúas persoas para suxeitar o pescozo e retirar o casco, entre outras moitas incidencias comúns que describen os propios integrantes do Grumir.
Un accidente podería alcanzar nesta situación consecuencias moi graves, xa que os axentes veríanse obrigados a requirir aos bombeiros de Vigo en caso de urxencia. A distancia co parque olívico demoraría a intervención entre quince minutos e unha hora. Se o sinistro ten lugar en Nigrán, o atraso será menor, pero se ocorre en parroquias interiores de Baiona ou Gondomar pode resultar fatal. Os efectivos vigueses descoñecen a xeografía miñorana, aspecto que contribuiría ao atraso nas súas intervencións.
Así, os membros do servizo nigranense ao que recorren todos os concellos miñoranos respiran ao terminar a súa xornada laboral sen incidencias graves e esperan que a Xunta contrate de novo aos doce axentes antes de mediados de xuño. Os incendios forestales do verán ou as hogueras de San Xoan na praia de Panxón poden resultar un inferno para eles nesta situación, como o ano pasado. Todos recordan con pavor o incendio da nave de Cespa e os momentos críticos mentres esperaban a chegada dos bombeiros.
