Así mesmo relataba un amplo texto de feitos que nada teñen que ver coa realidade do servizo municipal denunciado pola Asociación de Veciños de Nigrán e que mesmo demostrou innumerables incumprimentos do servizo ata o punto de que camións muncipais do concello de Nigrán recollían o lixo en Baiona e na Guarda.
O servizo de podas ao que se refería o alcalde na súa carta, é un servizo xa contemplado e includído nas condicións do contrato coa actual concesionaria CESPA e polo tanto un servizo que os contribuintes pagan relixiosamente.
O pleno acordou por maioria obrigar ao alcade de Nigrán rectificar a súa carta enviando polo mesmo medio, correo ordinario, preto de 10.000 cartas cunha copia da acta da sesión plenaria do 26 de xaneiro onde quedaba patente que o concello pretne´dia cobrar por un servizo que debería estar sendo xestionado por CESPA.
Derroches municipais
A broma da carta supón outro derroche do xestor municipal, rondando os 9.000 euros do envio da carta, máis outro 9.000 de reposición da citada. 18.000 euros gastados innecesariamente e con mala intencionalidade xa que son unha evidente manipulación contra os veciños e veciñas de Nigrán.
A esta partida podemos sumarlle outras partidas como a do pleno extraordinario do pasado 25 de outubro, no que o concello gastou en 2 plenos 9600€ e preto de 10.000 euros en sendos anuncios na prensa local onde denunciaba aos veciños que protestaban no pleno sobre a decisión da retirada do PXOM que se debatiría en sesión plenaria ordinaria ese mesmo venres.
http://www.nigran.org/anuncios/images/atlantico.jpg
As arcas municipais
As arcas municipais de Nigrán terán unha débeda de case sete millóns de euros cando o alcalde, Alfredo Rodríguez Millares, acabe o actual mandato no mes de maio do próximo ano.
O rexidor do PP pasará á historia local por ser o político que máis créditos pediu aos bancos. Os préstamos solicitados desde que asumiu o bastón de mando no 2003 ascenden a un total de 4.903.203 euros.
A liquidación desta cantidade limitará a capacidade de investimento local e empeñará os orzamentos ao longo dos próximos 15 anos. O último crédito foi aprobado nun pleno de novembro do pasado ano cos votos do PP e do PINN por un importe de 261.227 euros. Dez días antes o rexidor contratou outro por valor de 1.126.632 euros.