Unha empresa manchega aluga montes para plantar castiñeiros
Empresarios manchegos puxeron o ollo nos montes galegos trala ola de incendios do verán. Maderas Nobles de la Sierra del Segura alugou terreos á comunidade de Vincios, en Gondomar, para erradicar o eucalipto e substituílo por especies como o castiñeiro ou o carballo. A firma quere demostrar que vender madeiras nobres é máis rendible que fornecer ás celulosas.
"Queremos poñer o noso granito de area para que Galicia deixe o monocultivo dunha especie foránea de dubidoso valor ecolóxico e económico". Rafael Blázquez é o delegado en Galicia de Maderas Nobles de la Sierra del Segura , unha empresa que se adedica a captar inversores en árbores caducifolios e a comercializar a madeira que estes producen. A sociedade asinou un convenio con investigadores da Universidade de Vigo para erradicar o cultivo de eucalipto en Vincios (Gondomar) e plantar na zona especies como o castiñeiro, o carballo, o cerezo ou o nogal.
A firma alugou polo momento tres hectáreas de monte á comunidade de Vincios por un prazo de trinta anos para experimentar cun modelo que pretenden estender a outras zonas de Galicia. Madeiras Nobres #arrendar os terreos aos propietarios, capta a inversores en toda España e planta máis de 3.000 exemplares de especies caducifolias.
Blázquez admite que as árbores que dan madeiras nobres tardan moito máis tempo en crecer que os que serven para fornecer ás celulosas, pero argumenta que "coa formulación a curto prazo seguiuse ata agora un modelo de desenvolvemento totalmente insostenible". "Non podemos traballar para nós e contra os nosos fillos", defende. "Estas árbores non crecerán tan rápido, pero traerán beneficios medioambientales, que tamén é economía".
O portavoz de Madeiras Nobres da Sierra do Segura compara tempos e prezos. Segundo Blázquez, a tonelada de madeira de eucalipto estase pagando a 18 euros, mentres que a de árbores como o castiñeiro custa un mínimo de 500 euros. Esta última especie tarda uns 30 anos en dar madeira para que sexa comercializada, o dobre de tempo que o eucalipto. A empresa manchega defende que a longo prazo as especies caducifolias son máis rendibles e dan máis beneficios "á contorna social".
Madeiras Nobres da Sierra do Segura está deseñando un modelo de xestión dos montes específico para Galicia. A actividade da sociedade reduciuse ata o momento á provincia de Albacete, onde posúe terreos nos que planta nogales. A firma capta inversores que pagan 3.300 euros por cada dez árbores e reciben o 90% dos ingresos pola venda da súa madeira. En Galicia utilizará leiras alugadas polo que deberá adaptar o sistema: "Queremos traer inversores de toda España aos montes comunales galegos".
