O Concello eleva a 7 millóns de euros a débeda municipal
Nigrán O equipo xestor recorre aos préstamos para facer fronte a obras comprometidas.
Alfredo Rodríguez convértese no alcalde que máis empeñou as arcas municipais.
As arcas municipais de Nigrán terán unha débeda de case sete millóns de euros cando o alcalde, Alfredo Rodríguez Milleiros, acabe o actual mandato no mes de maio do próximo ano.
O rexedor do PP pasará á historia local por ser o político que máis créditos pediu aos bancos. Os préstamos solicitados desde que asumiu o bastón de mando no 2003 ascenden a un total de 4.903.203 euros.
