O BNG de Nigrán propón ao PSOE o desbloqueo urbanÃstico
O grupo municipal do BNG toma a iniciativa para desbloquear a ordenación urbanística de Nigrán. O seu portavoz, David Giráldez, presentou unha proposta ao PSOE para iniciar as negociacións co fin de solicitar un pleno extraordinario para presentar unha proposta conxunta que permita proseguir o diálogo cos veciños e traballar nun novo documento.
O nacionalista anunciou aos presidentes das asociacións de veciños a súa actuación. Nunha carta con data do pasado venres, Giráldez indícalles que o grupo do BNG presentou unha proposta ao PSOE "coa finalidade de desbloquear a actual situación".
No texto, o portavoz nacionalista explica aos veciños o ocorrido no último pleno para que a ordenación urbanística paralizásese. Giráldez relátalles como a proposta do alcalde de continuar as negociacións cos veciños para traballar no PXOM existente obtivo o maior número de votos en contra, con 10.
