A raices do chan ainda seguen acesas en Oia pese a que o lume foi extinguido fai 3 semáns e que choveu intensamente na zona.
O mércores un rapaz de 30 anos de Nigrán ingresou en urxencias cunha perna con queimaduras de segundo grado por mor do lume. Os feitos ocorreron en Torroña cando o rapaz estaba a realizar unha sesión fotográfica nos montes queimados no incendio que arrasou a ampla extensión forestal do concello de Oia.
Segundo relatava J.C.S. camiñaba por riba da turba do monte cando o chan afundiuse en cuestión de segundo e a súa perna quedou atrapada na terra.
Nese intre de milésimas de segundo notou como se lle queimaba a perna. Ao retirar a perna con fortes dores puido ver que tiña todos os dedos queimados e a pel totalmente abrasada.
Pese a que o lume aparentemente está apagado na superficie, o subsolo segue ardendo polas raices convertendo o chan nun auténtico braseiro.
"Foi algo que me pillou totalmente de sorpresa. Xamáis imaxinei que o chan seguía ardendo despois de tantos días e da choiva que caeu". "Agora doume conta da sensación do pobres animais que queimaron e seguen queimándose as patas polo mesmo moitvo que me pasou a min"..
Os médicos de urxencias practicaron un lavado completo da queimadura e vendaron a perna para previr infeccións. J.C. terá que agardar uns meses para poder volver a camiñar de novo sen necesidade das muletas.