Garda Civil e PolicÃa Local investigan aos portavoces veciñais.
As forzas de seguridade presentes o venres no Concello de Nigrán abriron dilixencias de oficio en busca de responsabilidades penais polos actos violentos que impediron a celebración do pleno para a aprobación inicial do Plan Xeral de Ordenación Municipal.
Axentes da Policía Local de Nigrán e da Garda Civil acudiron onte a vivendas de varios presidentes dos colectivos vecinales convocantes da protesta e aos fogares doutros nigranenses para identificalos. Todos eles investigan a autoría dos desperfectos na casa consistorial e nos vehículos oficiais.
Gran parte dos cristais da planta baixa da casa consistorial resultaron esnaquizados, do mesmo xeito que algúns documentos e ata papeleras e vitrinas. Así mesmo, os manifestantes alcanzaron coas pedras arroxadas as lúas de varios vehículos todoterreno da Garda Civil no momento que trasladaban ao alcalde e os seis concelleiros escoltados polos antidisturbios.
Entre as probas de que dispoñen os efectivos para atribuír responsabilidades aos veciños, atópanse as cintas gravadas pola garda civil e das cámaras de televisión, xa solicitadas pola Policía Xudicial ás cadeas que cubriron a información.
