Colexio Profesional de Xornalistas de Galicia (CPXG), remitiu esta semana unha carta ao recentemente nomeado como conselleiro de sanidade da Xunta de Galicia, Julio García Comesaña. Na misiva, tras darlle os parabéns e desexarlle éxito no cargo, o decano do CPXG exprésalle a súa preocupación polas dificultades que están a ter os e as xornalistas para acceder á información no cadro da crise sanitaria da COVID-19.

O Colexio de Xornalistas lembra que a Xunta de Galicia ten o deber de divulgar todos os datos sobre a pandemia de maneira accesible para toda a cidadanía, e que o artigo 20 da Constitución Española recoñece o dereito a comunicar ou recibir libremente información veraz por calquera medio de difusión. A libre disposición dos datos sobre a pandemia para os medios e a cidadanía en xeral permitiría ás e aos profesionais da información analizar toda unha serie de elementos epidemiolóxicos, socioeconómicos e demográficos que poden contribuír a entender mellor o desenvolvemento da pandemia.

Porén, Galicia é neste momento, xunto a Estremadura, a autonomía máis opaca do Estado na comunicación de datos sobre a Covid-19, e só algúns autos xudiciais feitos públicos polo Tribunal Superior de Xustiza de Galicia permiten coñecer parcialmente algúns datos pormenorizados sobre a enfermidade, o que provoca ademais unha disparidade na información dispoñíbel.

Por todo isto, o decano do Colexio de Xornalistas solicítalle ao conselleiro de sanidade que todos os datos nos que se basean as decisións que está a tomar a Consellería de Sanidade sexan abertos para a súa consulta tanto para os e as xornalistas como para a poboación en xeral. En concreto, reclámase coñecer os casos novos diarios, o tipo de test polo que foron obtidos ou a incidencia acumulada nos diferentes municipios e dispoñer desta información en formatos de datos abertos e reutilizables, inseridos en series históricas completas, que que permitan un seguimento puntual da incidencia da COVID-19 como o que se está a facer na maioría das Comunidades Autónomas.

Policía Local de Tomiño detivo nas últimas horas a un home ao que lle constaban polo menos dúas ordes de procura, captura e ingreso en prisión. Segundo informou devandito corpo de seguridade, o home circulaba nunha motocicleta pola zona centro da localidade cando, ao ver unha patrulla, realizou unha manobra evasiva e iniciou a súa fuxida. Por iso, os axentes interceptárono a uns 900 metros do lugar, identificando o condutor, J.M.G.S. de 37 anos de idade e veciño do municipio de Gondomar. Realizadas as oportunas comprobacións corroborouse a vixencia de polo menos dúas ordes de procura e captura, sendo detido e trasladado a dependencias policiais, para pasar previsiblemente este mércores a disposición xudicial. Ademais, os funcionarios instruíron dilixencias por un suposto delito contra a seguridade viaria ao carecer de permiso de conducir.

Educación investiga o caso dun profesor de Educación primaria dun colexio situado na localidade pontevedresa de Nigrán por supostamente ignorar aos seus alumnos en clase. Foron os propios familiares dos nenos os que alertaron ao centro de que o mestre non estaba a realizar a súa labor na aula, senón que estaba constantemente utilizando o seu teléfono móbil. Segundo fontes da Consellería de Cultura, Educación Formación Profesional e Universidades consultadas por Europa Press, este pasado luns levouse a cabo unha reunión co equipo directivo do colexio e demais docentes.

Nela tamén estiveron presentes a inspectora do colexio e a representación dos pais e dos alumnos. “O asunto quedou canalizado e solucionarase de inmediato”, reivindicaron desde a Xunta. Tal como adiantou ‘Faro de Vigo‘, trátase dun profesor interino que se incorporou ao centro nas últimas semanas para substituír a outra docente que se xubilou. As queixas das familias chegaron cando os nenos dicían en casa que non facían nada.

A oferta ofrece traballo para a temporada estival de 2024.

O camping de Baiona Playa situado en Baina acaba de lanzar a súa oferta anual de emprego para a temporada estival de 2024. En concreto buscan cubrir vacantes para recepcionistas, administrativos, cociñeiros, axudantes de cociña, socorristas para piscina, lavandería, xardins, mantemento, limpeza de praia, dependentes e caixeiros de supermercados e persoal de servizo de limpieza.

As persoas interesadas poden enviar os seus curriculums ao correo Este enderezo de correo-e está a ser protexido de robots spamers, precisas activar o JavaScript para velo ou entregar físicamente no propio camping.