O Centro Cultural de Peitieiros celebra un ano máis o sábado de Entroido, o día 28 de febreiro. O tourón iniciará o seu percorrido ás 17:00 nos Amados, O Regueiro e logo percorrerá O Palame e A Area, até chegar ao adro da igrexa parroquial , ás 19:00, alí comezará a festa , primeiro co Tourón no propio adro, e logo no Centro Cultural onde haberá certame de sobremesas, de disfraces, música, maquillaxe, etc.
Continuando coa tradición iniciada o pasado ano, volverá baixar o Tourón da Paraguda. Esta figura foi creada e introducida o pasado ano 2013, con vocación de permanencia e co obxectivo de animar o Entroido de Peitieiros e Gondomar.
O tourón, como lle chaman en Peitieros ao teixugo, é un animal omnívoro que vive no monte e ás veces se alimenta de cultivos, motivo polo que pode chegar estragalos. Existen rexistros fotográficos de captura do animal posibelmente no monte da Paraguda, o pico máis alto do monte Matalagartos que está sobre a parroquia de Peitieiros. Ao redor deste feito a Directiva do Centro Cultural propón unha festa na que non faltarán as coplas e que percorrerá a parroquia nesta tarde de sábado de Entroido.
