César Cunqueiro levará adiante un faladoiro no Instituto de Estudos Miñoranos onde afondará no complexo mundo interior do seu pai, o senlleiro escritor Álvaro Cunqueiro. Baixo o título "Álvaro Cunqueiro e a metafísica do Instante", Cunqueiro (fillo), compartirá o coloquio a partir das 20:30 horas deste venres 8 de marzo na Aula de Cultura Ponte de Rosas (Avda. da Feira Nº 10, baixo, Gondomar), sede do IEM. O acto será presentado por Ani González Pérez (Casa dos Anxos, Chaín).
