Coa proxección do documental Prohibido recordar - Cárcere de Saturrarán (1937 - 1944), dos directores Txaber Larreategi e Josu Martínez, dará comezo o ciclo "Mulleres na historia", que se desenvolverá durante todo o mes de marzo. Esta primeira actividade terá lugar este xoves 1 de marzo, ás 20.00 horas, na Aula de Cultura Ponte de Rosas, sede do Instituto de Estudos Miñoranos, na Avda. da Feira Nº 10, baixo, Gondomar.
Para a proxección contarase coa presenza de Txaber Larreategi (co director do filme), e de Gabriel Reigosa Centelles (bisneto da presa Urania Mella). Os convidados serán presentados por Tereixa Otero da Costa.
Sinopse: Un antigo balneario de luxo, convertido en seminario e finalmente en cárcere, situada na praia de Saturrarán (Mutriku-Biscaia), albergou unha das maiores e máis crueis cárceres do Réxime Franquista. Por decreto do xeneral Franco, Saturrarán converteuse en prisión de mulleres clasificadas de "extremadamente rebeldes e perigosas". Dous mil mulleres de idades comprendidas entre os 16 e os 80 anos e provenientes de todos os lugares de España, estiveron encerradas entre 1937 e 1944.
Ficha Técnica
Produtora: moztu filmak, Tentazioa y REC
Formato: Betacam Digital
Duración: 52'
Xénero: Documental
Director: Txaber Larreategi e Josu Martínez
Ano: 2010
O ciclo Mulleres na Historia é organizado polo IEM xunto a Asociación de Mulleres do Val Miñor Área Loura.
Dim lights Embed Embed this video on your site
