O Boletín Oficial de Pontevedra publicou onte as bases para a cobertura de 20 prazas de peóns na plantilla de persoal laboral. Os vacantes disponíbeis son dous no departamento de arquitectura e urbanismo, cinco para o recollido de lixos e trece para vias e obras. Este anuncio responde ao compromiso da corporación municipal de regularizar a situación dos traballadores que actualmente emprestan estes servizos con contratos temporais.

O diputado provincial socialista Efrén Juanes critica que o Concello de Baiona resultou perxudicado no reparto de axudas para servizos básicos a praias que reparte a Diputación. Afirma que se se utilizasen os criterios que marcan as bases, tales como a importáncia turística do Concello, o seu número de praias ou candidaturas apresentadas a obter a bandeira azul, a Baiona terianllle que haber correspondido unha cantidade semellante a outros concellos, de menor importáncia turística, que cobraron os 60.000 euros. Sen embargo, á Real Vila correspondeulle a metade.

Duas mulleres atracaron onte unha tenda de Movistar na rua Cidade de Vigo de Baiona. Tras ameazar á dependienta cunha xeringa impregnada con sangue, só se levaron un teléfono móbil.
O suceso produciu-se pasadas as doce e meia da mediodía neste estabelecemento do centro da vila. As atracadoras, duns 25 anos de idade, entraron na tenda coa cara descuberta, polo que se sospeita que non se trate de persoas da zona.