Criar mais prazas para o estacionamento de vehículos no centro da vila e contribuir á dinamización do bairro Dos Tendais son, segundo o concellal baionés de Vias e Obras, Manuel Vilar, os obxectivos que persegue o Concello de Baiona coa construcción dun novo aparcamento subterráneo que se situará baixo o campo de futbol de Aral.

Devolver o valor sociocultural de antaño ao Casino de Sabarís é o maior obxectivo do seu novo presidente, Victorino Fernández �lvarez. Despois dunha década de inactividade coa mesma directiva, os novos responsábeis do centro tratan de buscar fondos para amañar o centenario edifício. Unha sede en condicións, segura Fernández, ofereceria a posibilidade de organizar actividades. Mentres tanto, toca pedir.

Os sinais luminosos adornan a conflictiva Avenida de Sabarís, que serve de acceso principal a Baiona. A Concellalía de Tráfico e Seguridade Cidadá, dirixida por Manuel Duarte, instalou onte un radar informativo para avisar aos condutores cada vez que excedan dos corenta quilómetros por hora permitidos na zona. O dispositivo trata de diminuir a meia de velocidade á que discurren os veículos polo vial, que duplica a permitida en numerosas ocasións, segundo sinala o xefe da Policia Local, Pedro Alonso.