A Concellería de Cultura fai público o Regulamento do Real Mercado Medieval
A Concellería de Cultura acaba de facer público o Regulamento do Real Mercado Medieval que se celebrará en Baiona os días 1 e 2 de marzo, co gallo do 515 cabodano da arribada da carabela Pinta ó seu porto. O novo Regulamento, en salvagarda do rigor histórico que caracteriza a esta festa, obriga ós solicitantes de calquera tipo de posto a un depósito previo de 100 euros en concepto de aval-fianza, que será devolto por domiciliación bancaria unha vez rematado o Real Mercado a todos aqueles titulares que non haxan vulnerado o Regulamento.
As solicitudes se deberán facer en impreso oficial facilitado nas oficinas municipais no prazo comprendido entre o 7 de xaneiro e o 9 de febreiro. As adxudicacións terán lugar en cto público o día 16 de febreiro ás 11:00h da mañá no salón municipal de plenos.
