Frei Betto, principal impulsor do programa â??Fome Ceroâ??,
Carlos Alberto Libanio Christo, coñecido como Frei Betto pola súa condición de frade dominico, é un dos intelectuais brasileiros de referencia a nivel mundial. Escritor prolífico, educador, xornalista, antropólogo, filósofo... conta cunha traxectoria vital marcada, desde diferentes eidos, polo seu compromiso social. Nacido en Belo Horizonte, no seo dunha familia de clase media, estudou xornalismo, ademais de antropoloxía, filosofía e teoloxía, converténdose nun referente para a Teoloxía da Liberación en Brasil, movemento católico de loita contra a pobreza e as inxustizas.
Frei Betto, que entre 2003 e 2004 actuou como Asesor Especial do Presidente da República e coordinador de Mobilización Social do Programa Fome Zero, visitará Galicia a primeiros de novembro, atendendo un convite do Fondo Galego de Cooperación e Solidariedade, para pronunciar dúas conferencias sobre “A loita contra a pobreza e os Obxectivos do Milenio”, en Vigo e en Santiago, ademais de manter contactos con diferentes entidades e institucións.
Pola súa independencia e compromiso, Frei Betto é, sen dúbida, , unha das voces mais autorizadas para achegarnos ó complicado presente do Brasil e para argumentar e explicar a necesidade dunha maior atención universal á loita contra a pobreza, o maior problema da sociedade internacional do noso tempo.
Para máis información: 986 357238, Igadi-Secretaría do Fondo Galego.
