Cumio Galego Portugués sobre Cooperación Internacional
O vindeiro 1 de outubro, o Hotel Talaso Atlántico, no municipio de Oia, acolle o encontro Portugal e Galicia : Cooperar na cooperación. Nesta xornada,responsables polÃticos de municipios de Galicia e Portugal efectuarán unha aproximación á realidade da cooperación internacional no ámbito local, compartirán experiencias e explorarán oportunidades conxuntas para o futuro. Trátase dun evento no que a cooperación municipal e as súas formas serán abordadas dende unha perspectiva na que os vinculos culturais existentes entre as dúas beiras do Miño poderán abrir.A elaboración conxunta de proxectos de cooperación que poidan ser financiados con fondos comunitarios ou dos respectivos estados ibéricos para ser ejecutados nos paÃses africanos de expresión portuguesa é un dos cometidos concretos esenciais deste encontro, primeiro que se realiza con estes actores.
Da parte portuguesa está confirmada a participación, entre outros, das Cámaras de Viana do Castelo, Chaves, Palmela, Abrantes, Guimaraes. Outras Cámaras, como Lisboa, Porto, Gondomar, Moura, Loures, etc, expresaron o seu interese polo desenvolvemento e conclusións desta iniciativa. Da parte galega, participarán Concellos das catro provincias.
Este encontro está organizado polo Fondo Galego de Cooperación e Solidariedade co patrocinio e a colaboración da Excma. Deputación de Pontevedra. A deputada provincial, Nidia Mª Arévalo, vicepresidenta do Fondo Galego, presidirá a sesión inaugural, que dará comezo ás 11,00 h. Alfredo Novoa, presidente do Fondo Galego, será o encargado de clausurar o encontro.
O Fondo Galego é unha asociación de carácter municipalista que agrupa a Concellos e Deputacións de toda Galicia, unidos pola preocupación común de levar adiante iniciativas de cooperación e solidariedade cos paÃses menos desenvolvidos,e impulsar actividades de divulgación e sensibilización que impliquen ao conxunto da nosa cidadanÃa.
Fonte: IGADI www.igadi.org
