EU define candidaturas para o 20-N e convoca a unha asemblea aberta para debater programa. 
As agrupacións miñoranas de Esquerda Unida participarán dunha asemblea de delgados da provincia de Pontevedra para definir candidaturas de cara ás vindeiras eleccións nacionais do 20 de Novembro. A reunión terá lugar o vindeiro sábado 24 de setembro ás 10 horas no Hotel Coia (R/Sanxenxo s/n), en Vigo. Ao mesmo tempo convócase a unha asemblea aberta onde poderán participar non afiliados á corrente política, co fin de debater e achegar ideas para a elaboración dun programa político. Os convocantes salientan a súa intención de traballar xunto con todas as persoas que "forman parte das enerxías sociais alternativas".
A seguido do debate procederase á elección da candidatura de EU para o Congreso e Senado pola provincia de Pontevedra. Votarán os delegados electos nas asembleas comarcais.
