Os números son azuis na bisbarra do Val Miñor.
Das 51 prazas de concelleiros en xogo na comarca do Val Miñor, 26 foron obtidas polo Partido Popular. Nos concellos de Baiona e Nigrán, os populares acadaron a maioría absoluta, con 10 e 9 edís respectivamente; Gondomar sen achegarse a esas cifras igualmente foi maioría con 7 concelleiros. Os nomes de Jesús Vázquez Almuíña en Baiona, e o de Alberto Valverde en Nigrán xa se asocian co do futuro alcalde. En Gondomar practicamente a única dúbida é si Fernando Guitián asumirá como maior minoría o baixo algunha alianza que lle asegure dende o comezo a maioría absoluta. A Entidade Local Menor de Morgadáns completa o cadro de corporacións que renovaron integrantes o pasado domingo, tamén aquí o PP foi maioría e Urbano Esmerode Domínguez volverá a exercer a presidencia da Xunta Veciñal.
As candidaturas do Partido Popular na comarca miñorán.
Baiona. A candidatura de Vázquez Almuíña en número de concelleiros empatou o máximo histórico dos populares, igualando cos seus 10 edís os obtidos nas municipais de 1991 e 1995. Dende o punto de vista da cantidade de electores, recibiu a vontade de 3.596 votos, a maior da historia do PP no municipio. E co 52,44 % dos sufraxios válidos, a candidatura 2011 , atópase 1.3 puntos por debaixo da de mellor porcentaxe obtida en 1995 (53,74%). En relación ás eleccións de 2007, os populares sumaron 2 concelleiros e 467 votos máis.
Gondomar. A candidatura de Fernando Guitián aínda ter sufrido un cisma no partido a poucos días das eleccións municipais, obtivo 7 concelleiros, os mesmos que en 2007 e só 236 votos menos ca anterior elección. A súa candidatura representou o 32.88% das vontades expresadas validamente nas urnas.
Nigrán. Alberto Valverde obtivo a maioría absoluta con 9 concelleiros , cantidade só superada nas municipais de 1991, onde o PP acadou 11 edís. A candidatura popular 2011 é a terceira mellor votada na historia de Nigrán, acadando 43,15% dos sufraxios, só superada en 1987 pola Federación de partidos de Alianza Popular (43,52% , 2.820 votos e 9 concelleiros) e a do propio PP en 1991, có 63.85% dos votos válidos, 4.253 sufraxios e 11 concelleiros.
O Val Miñor aínda non rexistra a unha muller alcaldesa na súa historia democrática.
Isabel Domínguez (PSOE) en Baiona, Natalia Salgueiro (CDL, ex PP) en Gondomar e mais Cristina Fernández (BNG) en Nigrán intentaron cambiar a historia política da bisbarra, achegando unha mirada feminina dende a cadeira principal da alcaldía. A baionesa Domínguez foi a mellor votada co 22.82% dos votos e 4 concelleiros. Dende o punto de vista dos resultados a segue Natalia Salgueiro quen obtivo o 9,66% dos sufraxios e 2 concelleiros en Gondomar. A nacionalista Fernández tampouco quedou fóra da súa corporación en Nigrán, acadando o 6,69% dos sufraxios e a súa banca de concelleira.
A bisbarra terá más concelleiros homes, pero en Nigrán mandan as mulleres.
Dos 51 concelleiros do Val Miñor, 29 son homes e 22 mulleres. Pero na corporación de Nigrán elas terán maioría absoluta 9 a 8. Neste senso, e seguindo a liña de xénero, o Partido Popular de Nigrán reflectirá esta realidade con 5 mulleres concelleiras no goberno de Alberto Valverde, e 4 homes. En Baiona a relación de concelleiros é de 10 homes e 7 mulleres no pleno municipal; 6 homes e 4 mulleres no equipo de goberno de Vázquez Alumuíña . Para Gondomar a corporación do Pleno estará integrada por 11 homes e só 6 mulleres.
As correntes políticas na bisbarra.
O PP acadou 26 concelleiros no Val Miñor, 6 mais que en 2007. O PSOE baixou de 17 edís en 2007 a 12 concelleiros en 2011. O BNG obtivo 8 concelleiros en 2011, 2 menos que en 2007.
Das novas forzas, en Baiona UPy D acadou 1 concelleiro, en Gondomar CDL 2 e IXG 1.
Dos grupos independentes o único que mantivo representación nas corporacións miñoranas foi a UCN-CDL de Antonio Fernández Comesaña, cun só concelleiro en Nigrán.
Dim lights Embed Embed this video on your site