O Xornal do Val Miñor. Baiona, Nigrán, Gondomar

O Val Miñor precisa dun grupo de intervención rápida con polo menos quince membros e que gocen dunhas condicións laborais estables. Así se acordou na comisión de goberno da Mancomunidade que se celebrou onte en Baiona para abordar «dous temas urxentes, o Grumir e o borrador dos orzamentos».

Precariedade

A regulación do servizo, que leva dez anos dando cobertura a toda a zona e cunha media de máis de 2.000 actuacións ao ano, pasa por acabar coa precariedade laboral que sofren os seus membros e que choca coa súa profesionalidade. O rexedor baionés recoñeceu que a alternativa é «asegurar o maior número de membros e estabilidade, facendo contratos fixos».