O Xornal do Val Miñor. Baiona, Nigrán, Gondomar

Fonte - A Voz de Galicia . Ao berro de «Galicia non véndese», trinta colectivos de perfil ambiental e cidadán conseguiron reunir nas rúas de Santiago a unhas tres mil persoas que protestaron pola degradación do territorio da comunidade. A concentración tiña a peculiaridade de convocar a diferentes grupos con inquietudes localizadas en comarcas galegas que uniron a súa voz para esixir unha nova cultura do territorio e o cumprimento da lexislación vixente en materia de urbanismo. Reclamacións que quedaron recollidas nun manifesto pactado que leu na praza da Quintana a actriz Mabel Rivera. 

O colectivo Miñorán Salvemos Monteferro tamén estivo en Santiago apoiando a protección do litoral e urxindo medidas tanxibles para a desfeita de contaminación que padece a nosa ría. Xosé Reigosa, da entidade Salvemos Monteferro, declarou que a manifestación é un «toque de atención e unha chamada ante o estado de degradación progresivo no que se está sumindo o territorio galego, cunha sobreexplotación e unha destrución constante da nosa paisaxe e da nosa natureza», no que describiu como un proceso «longo e acelerado».

Continúa en http://www.lavozdegalicia.es/inicio/noticia.jsp?CAT=126&TEXTO=5781633&idioma=galego