Estudantes alemáns visitan Gondomar nun intercambio co IES Auga da Laxe.
-22 rapazas e 5 rapaces percorren estes días o Concello, xunto a dúas profesoras
-Fernando Guitián, alcalde do municipio, e Paula Bouzós, concelleira de Educación recibíronos, o pasado luns, na Casa da Cultura
27 estudantes, acompañados de dúas profesoras, da cidade alemá de Nagold visitan desde o pasado luns Gondomar, nun intercambio organizado polo I.E.S. Auga da Laxe.
Fernando Guitián, alcalde do municipio, e Paula Bouzós, concelleira de Educación recibiron a estes 5 rapaces e 22 rapazas, no pasado luns, na Casa da Cultura.
Desde entón, os alumnos de entre 16 e 17 anos, percorren o municipio sen esquecer os lugares de obrigada visita en Galicia; como son as Illas Cíes ou a Catedral de Santiago, entre outros.
Ademais deste tempo de diversión, tamén toman clases cos seus compañeiros gondomareños e participan en distintas actividades e talleres nos que aprenden, entre outras cousas, a elaborar unha tortilla española.
Dende o Concello destácase a importancia deste tipo de iniciativas. A intención de alumnos e profesores é que a experiencia teña continuidade e que estudantes de Gondomar poidan realizar futuros intercambios.
