Gondomar ten 1.486 veciños rexistrados como desempregados. Baixa leve do paro na construción.
O número de persoas en paro no Concello de Gondomar ascende ás 1.486, aproximadamente o 15% da súa poboación activa. Os datos achegados pola Consellería de Traballo e Benestar da Xunta de Galicia, indican que hai 12 persoas menos demandantes de emprego respecto ao pasado mes de maio (1.498 persoas). Porcentualmente o descenso do paro con respecto a maio equivale ao 0,80%, moi por debaixo da taxa total de Galicia, situada nun descenso da orde do 2,69%, e aínda da taxa media española dun 1,62% para o mesmo período. Dos 1.486 gondomareños rexistrados no paro 751 son mulleres e 735 son homes.
Visto nunha perspectiva dos últimos 12 meses, os números indican que hai 70 persoas máis sen traballo que en xuño de 2010 (1.416 persoas). O que equivale a un aumento entre xuño de 2010 a xuño de 2011 dun 4,94%. Nembargante, se o punto da comparativa se coloca entre xaneiro de 2011 ata de agora, rexístrase un leve descenso dun 1, 66 % no número de parados.
O desemprego por sector.
Rural e Pesca
A tendencia do paro no sector da Agricultura e Pesca va en alza, eran 18 en xuño de 2010, pasaron a 17 en xaneiro de 2011, logo foron 23 no pasado mes de maio e a cifra subiu a 26 ao mes de xuño. Os números do sector indican un aumento anual do 53%.
Industria
A Industria deixou 14 persoas no paro entre maio e xuño, quedando en 292 o número de desempregados ao 31 de xuño. A porcentaxe de aumento do paro nos últimos 12 meses no eido industrial rexistra un aumento do 24,79%.
Construción.
A construción rexistra un leve descenso pasando de 285 desempregados en maio a 284 en xuño (0,35%). O comportamento desta tendencia é á baixa no primeiro trimestre do 2011, que rexistraba 306 persoas en paro no mes de xaneiro (-7,19%). Esta tendencia permite que o número de desempregados sexa similar ao de xuño de 2010 que situábase nas 277 persoas, polo que o desemprego rexistrado neste sector só medrou un 2,53% nos últimos 12 meses.
Servizos
A tempada estival aportou unha baixa no paro dun 3,96 % entre maio e xuño de 2011, nos servizos, o que se traduce en 24 novos postos de traballo. 582 persoas rexístranse como desempregadas, 22 máis que en xuño de 2010. O incremento anual porcentualmente é dun 3,93%.
Demandantes de emprego por primeira vez.
O número de persoas na pescuda do seu primeiro posto de traballo descendeu levemente das 327 que o facían en xuño de 2010 ás 302 de xuño de 2011.
