O IMSERSO organiza o Programa de Termalismo Social que proporciona aos pensionistas da Seguridade Social con 60 anos cumpridos tratamentos termais a prezos reducidos en balnearios de todo o territorio nacional. Como novidade, este ano ofreceranse estancias de 10 e 12 días de duración.
As persoas interesadas en participar neste programa deberán dirixirse ao Departamento de Servizos Sociais do Concello de Nigrán, os martes e xoves en horario de 9.00 a 13.00 horas ou chamando ao teléfono 986 365 000, extensión 4.
Os prazos para presentar as solicitudes son até o día 13 de xaneiro de 2014 para as quendas dos meses de febreiro a agosto, ambos inclusive, e até o 10 de maio para as quendas dos meses de setembro a decembro, ambos inclusive.
