A actividade que se desenvolverá ao longo do mes de xullo acolle a nenos e nenas de entre 3 a 11 anos. Durante a primeira quincena, as distintas actividades que se desenvolverán xirarán en torno á arte.
En "Xogando coa arte", os nenos e nenas repartiranse en catro grupos: As Témperas (de 3 a 4 anos), Os Picassos (de 5 anos), Os Da Vinci (de 6 e 7 anos) e Os Van Gogh (de 8 a 11 anos). Entre todos elaborarán murais, e pinturas inspiradas en artistas como Van Gogh, Miró ou Pollock e construirán paisaxes con froitas como o artista británico Carl Warner, entre outras actividades.
Baixo o nome de "Eureka", a segunda quincena do campamento dedicarase aos inventos.
Ao longo do Gondoverán, o "Caderno de Bitácora" converterase no particular diario dos nenos e nenas que plasmarán nel todas as vivencias que recollerán durante este mes cheo de diversión.
