Durante tres días 50 escolares de Baiona participarán dun campamento formativo en Chan da Lagoa. Técnicos da Asociación Ornitolóxica do Val Miñor achegarán o funcionamento de mensaxería utilizado coas pombas e o seu adestramento. Pola súa banda, os cativos tamén contarán coa asistencia de membros da Universidade de Vigo para aprender a orientarse no monte axudados de planos e compás.
A actividade enmárcase na XII Semana Verde, a desenvolverse os días 25,26 e 27 de xuño. A mesma conta coa organización do Concello de Baiona en colaboración con AMPAS dos centros públicos escolares, Protección Civil Val Miñor e a Asociación veciñal de montes de man común de Baíña
