A praza da Alameda xa luce os adobíos cos que recibirá o Entroido Infantil da vila de Gondomar. Logo de varias semanas de traballo no Obradoiro de reciclaxe, as obras que os cativos prepararon xunto coa Asociación de Mulleres Rurais de Gondomar, ofrecen unha paisaxe multicolor no tradicional espazo público gondomareño. A praza será o marco onde escolares e estudantes da vila ofrecerán o seu espectáculo "Marcha coa túa máscara", logo dun desfila polas principais rúas de Gondomar.
O desfile dará comezo ás 11 horas o vindeiro venres 17 de febreiro. Como é tradicional o encabezarán os cativos do CEIP Chano Piñeiro, para logo dar paso aos maiores dos IES Auga da Laxe e Terra de Turonio. A marcha dará comezo no Pavillón Municipal de Gondomar.
O programa do Entroido 2012 de Gondomar xa foi dado a coñecer pola Concellería de Cultura local. Nel atópanse obras de teatro, desfiles e espectáculos populares que irán dende este venres 17 ata o Verbena Nocturna coa entrega de premios do martes 21 de febreiro.
