Prado Surf Club organiza a primeira travesía de Paddle-Surf de Galicia, que se celebrará o vindeiro domingo 19 de xuño entre Praia América (Nigrán) e Santa Marta (Baiona). O prazo de inscrición desta modalidade hawaiana de surf con reo, na que colaboran o Concello de Nigrán e o de Baiona, pecha o prazo de inscrición este xoves 16 de xuño. Esta é a primeira travesía de Paddle-Surf que se organiza nas costas galegas, puntuable no Circuíto Nacional de Paddle-Surf.
A travesía
A saída realizarase o domingo 19 de xuño desde praia América ás 11.00 horas, coa previsión de alcanzar o seu destino (Praia de Santa Marta) en Baiona uns 70 minutos máis tarde tras percorrer cinco quilómetros da costa destes dous municipios. O prezo por participante é de cinco euros, e inclúe todo o material necesario para realizar a actividade (táboa, neopreno, remo e licra). O número de prazas está limitado á dispoñibilidade de material. Ao finalizar a actividade ofreceranse dous bautismos de Paddle-Surf gratuítos, ás 12.30 e ás 13.30 horas, respectivamente, cun máximo por grupo de 20 persoas.
Os interesados deben dirixirse a través do correo do Prado Surf Club Este enderezo de correo-e está a ser protexido de robots spamers, precisas activar o JavaScript para velo ou a través dos teléfonos 636 024 702 / 653 929 347
