Finalmente volverán ser 23 os desempregados da bisbarra que poderán beneficiarse do obradoiro mixto de formación e emprego "Terras do Miñor III" no 2014. A intención da Mancomunidade do Val Miñor era elevar o número de participantes a 45 ao engadir esta nova edición a especialidade de limpeza de inmobles, ás xa tradicionais de cociña e camareiro de restaurante e bar ofertadas nas de 2012 e 2013. Sen embargo, se ben foi admitida a nova especialidade o número de participantes será o mesmo que no 2013 (en 2012 foran 30) o que baixará as prazas ofertadas relacionadas ao eido hostaleiro.
A solicitude presentada en marzo pasado pola Mancomunidade foi resolta favorablemente o pasado mércores pola Concellaría de Traballo e Benestar quen destinará 205 mil euros para a súa concreción.
Antecedentes
A primeira edición do obradoiro mixto de formación e emprego "Terras do Miñor" celebrouse en 2012 coa participación de 30 persoas que durante 6 meses formáronse nas especialidades de cociña e camareiro a razón de 15 alumnos por especialidade. A primeira edición contou cun orzamento de 265 mil euros financiado pola Xunta de Galicia. No 2013 o obradoiro mantivo as devanditas especialidades pero baixou as prazas ofertadas a 23 desempregados e contou cun orzamento próximo aos 200 mil euros. A nova edición contará cun investimento similar máis deberá repartir as 23 prazas en tres especialidades formativas.
