-A xornada,terá lugar o vindeiro xoves ás 16.00 horas no Centro Neural de Gondomar
O vindeiro xoves 26 de setembro, no marco do programa Gondomar Emprega que a Concellaría de Formación e Emprego está desenvolvendo neste último trimestre do ano, terá lugar a primeira conferencia-taller sobre emprego e mercado de traballo.
A charla-coloquio, que se desenvolverá baixo o nome de "Características do Mercado de Traballo Actual - Especialización, Impacto TIC, Temporalidade, Marca persoal", terá lugar no Centro Neural ás 16.00 horas, aberto ao público en xeral sen necesidade de inscrición previa e estará a cargo da consultora Xesta. O obxectivo da xornada será presentar e debater sobre as principais características que conforman o actual mercado de traballo e sobre como estas condicionan a procura de emprego.
Temáticas como a temporalidade, o impacto da rede ou o papel da formación serán protagonistas deste foro no que os participantes poderán debater sobre o que está sucedendo no mercado laboral e na súa propia procura de emprego.
