-A Xunta de Galicia destinará máis de 200.000 euros á segunda edición do taller de emprego Terras do Miñor
-O 100% dos alumnos que participaron na especialidade de camareiros e o 50% dos cociñeiros saídos do taller deste ano accederon ao mercado laboral ao finalizar o mesmo.
Tralo éxito da primeira edición, a Xunta de Galicia destina por segundo ano consecutivo máis de 200.000 euros na celebración do taller de emprego "Terras do Miñor II", que se desenvolverá a partir do 1 de outubro nas instalacións da residencia de tempo libre de Patos, cunha duración de seis meses.
O taller, solicitado polos concellos que compoñen a Mancomunidad do Val Miñor -Baiona, Gondomar e Nigrán- contará na súa segunda edición con 23 prazas e un programa centrado nas especialidades de cociña e camareiro de restaurante e de bar.
Do mesmo xeito que o taller realizado o pasado curso, "Terras do Miñor" ofrece formación de calidade a máis dunha veintena de desempregados dos municipios de Baiona, Gondomar e Nigrán.
Cifras
As previsións da Consellería de Traballo da Xunta de Galicia para a primeira edición do taller era próxima a un 70% dos alumnos accedesen ao mercado laboral trala superación do taller. "A data de hoxe, o 100% dos camareiros que realizaron o curso, 15 veciños e veciñas desempregados da comarca, accederon ao mercado laboral ao finalizar o curso, aos que hai que sumar outros catro, que conseguiron traballo durante el", apunta a concelleira de Nigrán Rosa Rodríguez. No caso dos alumnos de cociña, a cifra redúcese a un 50%.
