Oito días naturais de prazo terán para preparar as ofertas e a documentación requirida as empresas que desexen participar da licitación que con carácter "urxente" saca a concurso o Concello de Gondomar, para o servizo de catering e de persoal monitor dos comedores escolares dos centros de ensino primario do concello.
A convocatoria cubrirá estes servizos no curso escolar 2013-2014, dende o 11/09/2013 ao 20/06/2014. A licitación conta cun orzamento de 201.216,82 euros, segundo anuncia o Boletín Oficial da Provincia de Pontevedra do pasado luns 5 de agosto. Segundo esta fonte, as bases dos mesmos están dispoñibles na web e oficinas do Concello de Gondomar.