-O prazo de solicitude remata o vindeiro 25 de xaneiro
O Concello de Gondomar informa que o vindeiro venres día 25 remata o prazo para solicitar unha bolsa de práctica laboral para titulados universitarios.
As prazas ofertadas polo concello son:
- 1 bolsa para graduados en enxeñería informática e licenciados en informática
- 2 bolsas para licenciados en arquitectura e arquitectos técnicos
- 1 bolsa para licenciados e graduados en empresariais
- 1 bolsa para licenciados, graduados e diplomados en biblioteconomía e documentación
Estas axudas están destinadas a titulados universitarios, sen experiencia laboral previa, coa finalidade de promover e completar a súa formación en áreas de coñecemento ou actividades que poidan facilitar a súa incorporación ó mercado laboral.
As instancias deberán dirixirse ao Ilmo. Sr. Presidente da Deputación de Pontevedra e presentaranse no modelo oficial ANEXO II, incluído na convocatoria.
O documento pode descargarse no Boletín Oficial de Pontevedra do día 2 de xaneiro.
