Mañá venres a Concellaría de Deportes de Baiona reunirá ao case medio milleiro de corredores que participarán da segunda edición do Trail de Montaña Serra da Groba. Ás 20 horas terá lugar unha charla informativa no Pavillón Municipal para deixar todo listo para a saída o sábado 8 de novembro.
Esta segunda edición congregou 136 participantes para a andaina de 20km, 197 para a de 25Km e 146 para o trail de 55 km.
Saídas e metas
A competencia terá como punto de partida o Pavillón de Deportes de Baiona (rúa Dolores Agrelo s/n) o día sábado. Sendo ás 7:30 horas para o Trail de 55 km, cun tempo máximo de control aberto de 5 horas. Ás 9 horas partirá o Mini Trail de 25 km, cun tempo máximo de control aberto de 5 horas. Finalmente ás 9:15 horas terá lugar o inicio da andaina de 20 km. En todos os casos a chegada será no mesmo Pavillón Municipal onde se situará o derradeiro avituallamento.
Entrega de dorsais.
A entrega de dorsais terá lugar este venres dende as 17 até as 21 horas e no mesmo día do evento a partir das 6:30 horas.
