Máis de 130 nenos participaron no II Campus Multideporte Concello de Gondomar, celebrado os pasados días 2-3-4 de Abril.
Natalia Salgueiro, concelleira de Deportes de Gondomar valorou positivamente esta edición dos xogos, aínda que comentou que espera "ir mellorando ano a ano".
Programa desenvolvido
Durante o luns día 2, os participantes gozaron das modalidades de tenis e piragüismo. Esta última foi o deporte estrela do Campus, segundo o informado pola concelleira Salgueiro.
O martes, o deporte rei foi o atletismo, disputado no interior do pavillón municipal, con actividades de velocidade, salto, lanzamentos, finalizando con maratóns por grupos.
O mércores, último día do campus, os nenos participaron nas actividades de tenis de mesa, baloncesto e fútbol sala, ademais dalgún xogo tradicional.
O mércores, en horario de tarde, tivo lugar clausura do campus, onde nenos e pais puideron revivir, mediante un vídeo con fotografías, as distintas actividades.
