Trinta e tres obras participarán no 2013 da VI edición do Premio de Poesía Victoriano Taibo - Entidade Menor Local de Morgadáns, organizado polo Instituto de Estudos Miñoranos.
O pasado 31 de xullo rematou o prazo para a recepción de orixinais para participar no V Premio de Poesía Victoriano Taibo – Entidade Local de Morgadáns. O xurado reuniuse para recoller os traballos presentados, nun total de trinta e tres obras. O fallo farase público nos primeiros días de setembro, en data que se anunciará nos medios de comunicación.
O premio dotado con 3.000 €, peza conmemorativa e a publicación da obra premiada está sufragado pola Entidade Local Menor de Morgadáns e xestionado polo Instituto de Estudos Miñoranos e será entregado nun acto a celebrar no edificio das Escolas de Guillufe (Morgadáns) na 2ª semana de novembro.
Na primeira convocatoria resultou gañador o poemarioCultivos Transxénicosde Carlos Negro; na segunda o xurado acordou conceder o premio ex aequo aos poemariosCuarto Minguante, do que é autora Mª Carmen Caramés, eBiografía da Multitude, que resultou estar creado a dúas mans por Elvira Riveiro e Silvia Penas; na terceira edición o premio foi para o libroDevastacións dispoñibles, de Mª Goretti Fariña, na cuarta edición a obra premiada foiHolocausto Zacoe, de Calros Solla e na quinta edición a obra gañadora foi Distancias e Simetrías , de María Concepción Álvarez Lebredo.
