O vindeiro xoves 6 de xuño terá lugar a presentación da Associação José Afonso (AJA), na Aula de Cultura Ponte de Rosas (Avenida da Feira, 10 baixo, Gondomar), a partir das 20:30 horas. O acto contará coa proxección dun documental sobre o músico e compositor José "Zeca" Afonso e unha actuación poético musical de libre participación.
A actividade forma parte dunha xira de presentación de AJA por todo o país na procura de fornecer os lazos culturais que tendera o mítico creador da peza Grândola, Vila Morena con Galicia. No acto terá lugar un coloquio a cargo de membros do proxecto AJA en Portugal e Galicia.
Programa:
-Documental sobre José Afonso (20 minutos)
-Presentación e coloquio con :
PAULO ESPERANÇA, Vice-presidente da AJA
JUDITE ALMEIDA e JOANA AFONSO do núcleo AJA Norte
XICO DE CARINHO, S.C.Na Virada e directivo galego da AJA
- Intervención poético-musical sobre José Afonso de libre participación.