O vindeiro domingo 24 de febreiro conmemórase en todo o país o Día de Rosalía de Castro, no que será o 176 aniversario do seu nacemento. No Val Miñor terá lugar un extenso programa de actividades culturais promovidas polos centros de ensino e diversos colectivos socias que sumaranse á homenaxe a escritora fundacional. Lecturas de poemas e proxeccións de audiovisuais terán lugar en varios centros de estudo. Para o domingo 24 está convocada unha gran alborada gaiteira nas vilas e parroquias da bisbarra.
Coa lectura de poesías de Cantares Gallegos (no 150 aniversario da súa 1ª edición) e a proxección de audiovisuais feitos por eles, os cativos dos CEIPs de Belesar (Baiona), Chano Piñeiro (Gondomar) Carlos Casares (Nigrán) e o CEP Xosé Neira Vilas (Peitieiros) , farán o seu particular agasallo a Rosalía este venres 22 de febreiro.
A iniciativa forma parte dun convite feito pola Asociación de Escritores Galegos, que foi acollida por 73 centros de ensino de Galicia e na que participaron máis de 80 grupos de escolares.
Deixamos un adianto dalgúns dos traballos presentados.
CEIP Belesar (Baiona): Poesía "Meniña ti a máis fermosa".
Dim lights Embed Embed this video on your site
CEIP Carlos Casares (Nigrán): "Adios ríos, adios fontes".
Dim lights Embed Embed this video on your site
CEP Neira Vilas de Peitieiros (Gondomar): "Vinte unha crara noite".
Dim lights Embed Embed this video on your site
