O grupo de danza moderna do Centro Cultural de Peitieiros actuou o pasado sábado no auditorio Lois Tobio ante máis dun centenar de espectadores. A agrupación de danza, dirixida polo profesor José Rodríguez, ex participante do concurso televisivo Fama, e composta por dez alumnos, realizou cinco pases durante o espectáculo.
O grupo de danza moderna do Centro Cultural de Peitieiros contou co aplauso dun público moi satisfeito co espectáculo, o primeiro desta agrupación formada fai tan só sete meses.
Todos aqueles interesados en formar parte deste grupo deberán porse en contacto co Centro Cultural de Peitieiros.