A asociación de fomento da lectura inaugura a nova tempada con tres actividades a primeira semana de outubro. A primeira delas será CONTOMAR, sesións de contacontos para nenos e nenas a partir de 3 anos que Espazo Lectura celebra todos os luns na Biblioteca Municipal de Gondomar , a partir das 18:00h. O mércores 5 de outubro ás 18:30h celebrarase na Casa da Lectura (Donas) a primeira sesión semanal de dinamización lectora dedicada a nenos e nenas a patir de 3 anos.
En canto aos clubs de lectura, as datas en que se celebrarán as sesións son as seguintes:
- Club de Lectura Sete Vidas: martes 4 de outubro ás 20:00h. Contarase coa presenza da autora de Futuro Imperfecto, Xulia Alonso.
- Club Lecturas Debuxadas: o martes 18 de outubro a partir das 20:00h, coa presenza dos autores do cómic O fillo da furia, Manolo López Poy e Miguel Fernández.
- Club de lectura compartida Lendo Contigo: 22 de outubro ás 12:00 da mañá. Nela, Fausto Isorna, autor de Golfiño e os invasores, o cómic proposto para a sesión, participará da actividade.
